Mətbuat

“QALA SIĞORTA” VƏ “QALA HƏYAT”IN DƏSTƏYI ILƏ BLOKÇEYN TEXNOLOGIYALARINA AID SEMINAR KEÇIRILIB

Azərbaycan sığorta bazarının tanınmış şirkətləri – “Qala Həyat” və “Qala Sığorta”nın təşəbbüsü və dəstəyi ilə Bakıda keçirilən “Blokçeyn texnologiyası: Gerçək və gələcək” mövzusunda seminar başa çatıb.

Tədbirdə son illər dünyada sürətlə yayılan blokçeyn texnologiyaları, kriptovalyutalar, rəqəmsal pullar, onların iş prinsipi, gətirdiyi yeniliklər və bu texnologiyaların Azərbaycanda müxtəlif sahələrdə tətbiqi üsulları müzakirə edilib.

FED.az maliyyə və biznes xəbərləri portalının informasiya dəstəyi verdiyi tədbirdə iştirakçılar seminarda blokçeyn texnologiyası haqqında, “blokçeyn pul üçün”, “bu texnologiyanın yayılmasının nəticələri”, “Blokçeyn pul üçün deyil” adlı mövzularla yanaşı digər modullar üzrə də ətraflı məlumat əldə ediblər.

Tədbirdə bildirilib ki, blokçeyn texnologiyaları, kriptovalyutalar və rəqəmsal pullar gələcəyin maliyyə sektorunu inanılmaz dərəcədə dəyişəcək. Bu amil bankları öz xidmətlərinə yenidən baxmayağa, müştərilərinə və partnyorlarına daha adekvat xidmət göstərməyə vadar edəcək: «Bu yenilik maliyyə sektorunda bankların monopoliyasına son qoyacaq».

Seminarın təlimçisi, peşəkar analitik Fərhad Əmirbəyovun sözlərinə görə, blokçeyn texnologiyaları təkcə maliyyə sektorunda deyil, digər sektorlarda da uğurla tətbiq edilə bilər. Bura, turizm, ictimai xidmətlər, investisiya fəaliyyəti, müəllif hüquqları, müqavilələrin bağlanması, hüquq sistemi və sair aiddir.

Bu yeniliklər müqavilələrin daha etibarlı və icra olunan vəziyyətə gəlməsinə imkan verəcək. İctimai xidmətlərin isə sürəti və keyfiyyəti qat-qat artacaq.

Blokçeynin və yeni texnologiyaların tətbiqi xüsusilə investisiya imkanlarını da inanılmaz dərəədə dəyişəcək. «Əşyaların interneti»nin yaranması isə onunla nəticələnəcək ki, maliyyə sektoruna və həyatımıza insan olmayan, amma internet üzərindən aktiv olan əşyaların dövrü başlanacaq: «Əşyalar bir birinə ödəniş edəcək, faktiki olaraq onlar da maliyyə sektorunun iştirakçılarından birinə çevriləcək»-deyə F.Əmirbəyov bildirib.

Blokçeyn texnoloiyalarının in prinsipi barədə məlumat verən təlimçinin sözlərinə görə, yeni texnologiyalar bu sistemə bütöv bir alqoritmlərin yükənməsinə imkan verəcək. Nəticədə həyatn hər bir anı üçün hazır proqramlar tətbiq ediləcək: «Məsələn siz alqoritm verirsiniz ki, təyyarəyə geciksəm, mənə otel bron edin, belə hadisə baş verəndə sistem sizdən soruşmadan bunu edəcək».

Təlimçi bildirib ki, blokçeyn texnologiyaları təkcə pula deyil, vaxta da qənaət etməyə imkan verir və bu da onların ən böyük üstünlüyüdür.

Tədbirdə rəqəmsal pulların gələcəkdə daha da geniş yayılacağı və iqtisadi həyatda rolunun artacağı qeyd edilib. “AMBLER” konsaltinq, “UNEC Research Foundation” və “AFRR Consulting” şirkətlərinin təşkilati dəstəyi ilə keçirilən bu maraqlı tədbir iştirakçıların interaktiv saulları və müzakirələri ilə davam edib.

______________________________________________________________________

Daha ətraflı məlumat üçün İctimaiyyətlə əlaqələr şöbəsi ilə əlaqə saxlaya bilərsiniz

“QALA Həyat” SığortaŞirkəti ASC
AZ1122, Tbilisi pr-ti 42A, Bakı, Azərbaycan
Tel: (+994 12) 404 77 74 (170)
Fax: (+994 12) 530 60 02

Mob: (+99450) 246 00 10

http://kreditplaza.az/az/insurance_news/qala-sigorta-v%C9%99-qala-h%C9%99yatin-d%C9%99st%C9%99yi-il%C9%99-blokceyn-texnologiyalarina-aid-seminar-kecirilib/

Bizi seçmək üçün 6 səbəb

biz fəaliyyət göstərdiyimiz sahədə ixtisaslaşdırılmış şirkətə malikik

biz hər müştəriyə individual yanaşırıq

biz kompromissə gedirik

biz müştərilər üçün rahat ödəmə şərtləri yaradırıq

bizim təsisçilərimiz ölkədə təkrarsığorta sahəsində ən iri qurum “AzRe Təkrarsığorta” şirkətidir

biz pozitivi öyrənmək, pozitivə öyrəşmək üçün varıq!